"Rusiyaya dəstək verməyin"

İtaliyanın G7 liderləri adından verdiyi birgə bəyanatda, "Biz üçüncü tərəfləri Rusiyanın Ukraynaya qarşı qanunsuz və əsassız təcavüzkar müharibəsinə maddi dəstəyi dərhal dayandırmağa çağırışımızı təkrar edirik, əks halda onlar ağır xərclərlə üzləşəcəklər".

News24.az xəbər verir ki, açıqlamada aşağıdakılar qeyd olunub:

"İranın Ukraynada mülki şəxslərə qarşı amansız hücumlarda istifadə edilən pilotsuz uçuş aparatları (PUA) ilə Rusiya rejimini təmin etdikdən sonra İranın Rusiyaya ballistik raketlər və əlaqəli texnologiyaları ötürməyi nəzərdən keçirdiyi barədə xəbərlərdən son dərəcə narahatıq. Biz İranı bunu etməməyə çağırırıq, çünki bu, qeyri-sabitliyə töhfə verəcək. Rusiyanın Ukraynadakı müharibəsinə maddi dəstəyi əhəmiyyətli dərəcədə artıracaq. Bu, beynəlxalq hüququn və BMT Nizamnaməsinin açıq şəkildə pozulmasıdır. 

İran Rusiyaya ballistik raketlər və ya əlaqəli texnologiyaları tədarük etməyə davam edərsə, biz İrana qarşı yeni və əhəmiyyətli tədbirlər də daxil olmaqla, tez və koordinasiyalı şəkildə cavab verməyə hazırıq".

Günel Məlikzadə