Apple-ın "Gemini" ilə görüşü
    • 18-03-2024, 18:49
    • 383

Apple-ın "Gemini" ilə görüşü

"Apple iPhone" modellərini Google-un süni intellekt modeli "Gemini" ilə gücləndirmək istəyir.

News24.az xəbər verir ki,  Apple-ın iOS 18 üçün hazırlanan yeni süni intellekt xüsusiyyətlərini gücləndirmək üçün Gemini-dən istifadə edəcəyi bildirilir.

Məsələyə yaxın mənbələr iki şirkət arasında məsələ ilə bağlı danışıqların getdiyini, lakin hələlik yekun razılaşmanın olmadığını bildirib. Mənbələr Apple-ın "Open AI" ilə də danışıqlar apardığını əlavə edib.

"Apple" ilə potensial sövdələşmə Gemini-nin indiyədək ən yüksək profilli tərəfdaşlığı ola bilər.

Müqavilə Google-un süni intellekt xidmətlərini 2 milyarddan çox aktiv "Apple" cihazında əlçatan edə bilər ki, bu da Gemini-nin "Microsoft" tərəfindən dəstəklənən rəqibi OpenAI-ə qarşı rəqabət üstünlüyünü artırır.

Apple CEO-su Tim Cook, məhsuldar süni intellektə əhəmiyyətli dərəcədə sərmayə qoyduqlarını və bu ilin sonunda bu sahədəki planları haqqında daha çox məlumat paylaşacaqlarını bildirdi.

Günel Məlikzadə