-
- 16-04-2024, 15:18
- 95
HƏMAS İsrailə güzəştə getməkdən imtina etdi
Fələstin hərəkatının rəsmi nümayəndəsi İzzat ər-Rişq bildirib ki, HƏMAS Qəzza zolağında atəşkəslə bağlı İsraillə dialoqda güzəştə getməyəcək və bu ölkənin ordusunun Fələstin anklavından tamamilə çıxarılması tələbindən əl çəkməyəcək.
News24.az xəbər verir ki, bu barədə o Telegram hesabında yazıb.
Onun sözlərinə görə, Fələstin xalqının müdafiəsi üçün yeganə təminat tam atəşkəsdir. İzzat ər-Rişq əlavə edib ki, HƏMAS İsrail qüvvələrinin Qəzzadan tamamilə çıxarılması və köçkünlərin anklavın şimal bölgələrinə sərbəst qayıtması zərurəti məsələsində hər hansı güzəştə getməkdən imtina edir.
Bundan əvvəl HƏMAS-ın yüksək rütbəli rəsmisi İsraillə razılaşmaya əsasən mübadilə üçün kriteriyalara cavab verəcək 40 canlı girovun olmadığını bildirmişdi.
Mehriban Mirzəzadə