Gürcüstanda nigah yaşı dəyişdirilir...

Konstitusiyada qanuni nikah yaşı, 18 yaş qeyd olunacaq.

News24.az xəbər verir ki, bu barədə Parlamentin sədri Şalva Papuaşvili məlumat verib.

O, bu barədə LGBT təbliğatına qarşı hazırlanmış konstitusiya dəyişikliklərinin ümumi ictimai baxışı zamanı deyib.

O qeyd edib ki, 2017-ci ildə artıq müəyyən edilib ki, evlilik yalnız kişi və qadının birliyidir:

“2017-ci ildə artıq müəyyən edilib ki, ölkəmizdə evlilik yalnız kişi və qadının birliyidir. Digər ölkələrin də konstitusiyalarında bu qeydlər var, lakin alternativ olaraq, qondarma Mülki tərəfdaşlıq müqaviləsi, əslində bu birliyi eyni hüquqi ölçüyə qoyan hüquqi formadır. Bu qeydin məqsədi nikah və ailənin Konstitusiyanın müəyyən etdiyi kimi olmasını və heç bir hüquqi alternativə icazə verilməməsini təmin etməkdir. Eyni zamanda konstitusiya ilə nikah yaşı 18 yaş müəyyən edilir. Müxtəlif dövrlərdə bu yaş da dəyişib və bu həm də konstitusiya ilə müəyyən edilmiş yaş olacaq”, - deyə Şalva Papuaşvili bildirib.

Məlumat üçün bildirək ki, bu günədək 17 yaşına çatmış şəxsin nikahına valideynlərin və ya qəyyumun qabaqcadan yazılı razılığı ilə, yetkinlik yaşına çatan fiziki məhdudiyyətli şəxsin isə qəyyumun əvvəlcədən yazılı razılığı ilə icazə verilirdi.