Mətanət Əsədovanı heç qonşusu da tanımayacaq - REPLİKA

Müğənni Mətanət Əsədovanın öıkədən çıxışına qadağa qoyulması haqda xəbər yayılıb.

News24.az-ın məlumatına görə, buna səbəb özünə “Wolksvagen” alan sənətçinin banka 10 min manat borcu olmasıdır. Amma baş verənlərdən əsəbləşən sənətçi nədənsə hirsini jurnalistlərin üstünə tökür. Məsələyə aydınlıq gətirmək istəyən mətbuat nümayəndələrinin suallarını yersiz təpki və aqressiya ilə qarşılayır.

Qeyd edək ki, Mətanət Əsədova Vesti.az saytının əməkdaşının “Doğrudanmı sizin ölkədən çıxışınıza qadağa qoyublar” sualına cavabında “Bundan sizə nə var? Siz gedin, mənim səsimdən yazın!” deyərək, jurnalisti acılayıb. Üstəlik, mətbuat nümayəndələrinə “məndən əl çəkin!” deyə ultimatum da göndərib.

Mətanət xanım unudur ki, qələm əhli əlini ondan çəksə, bu məmləkətdə Mətanət Əsədovanı heç qonşusu da tanımayacaq.