AvtoVAZ-dan yeni avtomobil

Rusiyanın avtokonserni AvtoVAZ qara salonlu Lada Aura avtomobillərinin istehsalına başlayıb. 

News24.az xəbər verir ki, bu barədə “VKontakte” sosial şəbəkəsindəki “Avtoqrad xəbərləri” ictimai səhifəsi məlumat yayıb. 

Bu avtomobillər ağ rəngə boyanıb.

“Aura avtomobilləri VAZ-ın əsas konveyer lentinin birinci xəttindən kiçik, məhdud sayda çıxmağa davam edir. Əgər əvvəllər onlar yalnız qara maye ilə boyanırdılarsa və yüngül salona sahib idilərsə, indi avtomobillər ağ rəngdə və qara dəridən hazırlanmış salonda görünür. Məsələ dövlət qurumları tərəfindən sifariş olunduğuna görə, yəqin ki, kimsə ağ rəngli avtomobil sürmək istəyib”, - mesajda deyilir.

Qeyd edək ki, AvtoVAZ-da Lada Aura-nın istehsalına 2024-cü ilin aprelində başlanılıb .

Lada Aura sedanları Dövlət Dumasının deputatları və məmurları üçün rəsmi avtomobillər kimi nəzərdə tutulub. Rusiya Maliyyə Nazirliyi də Lada Aura avtomobilləri üçün sifariş verib.

Bildirək ki, Lada Vesta əsasında uzadılmış Aura sedanı  2023-cü ilin iyununda Soçidə nümayiş etdirilib. Avtomobil 122 at gücünə malik 1,8 mühərriklə təchiz edilib. Aura yenilənmiş Vesta əsasında qurulub və salonda arxa sırada olan sərnişinlər üçün əlavə 25 sm boşluq var. Sedanın salonu Rusiya istehsalı olan həqiqi dəridən hazırlanıb, premium audiosistem quraşdırılıb.

Günel Məlikzadə