Fransa Ukraynaya əsgər göndərir

Ukraynanın Ali Baş Komandanı Oleksandr Sirski bildirib ki, Fransa tezliklə müharibə şəraitində olan Ukraynaya qoşunların hazırlanması üçün əsgər göndərməyə başlayacaq.

News24.az xəbər verir ki, Sirski bildirib ki, Fransanın müdafiə naziri Sebastien Lecornu ilə görüşündən sonra fransalı hərbi təlimatçıların Ukraynanın təlim mərkəzlərinə getməsinə icazə verən sənədlər imzalanıb.

Ali Baş Komandan Sirski “Telegram” sosial şəbəkəsi tətbiqində “Fransanın Ukrayna hərbi personalının təlimi üçün Ukraynaya təlimatçılar göndərmək təşəbbüsünü alqışlayıram” deyə paylaşım edib.

O, ilk fransız təlimçilərin tezliklə təlim mərkəzlərinə baş çəkməsinə, onların infrastrukturu və işçi heyəti ilə tanış olmasına imkan verəcək sənədləri imzaladığını bildirib.

Sirski, "İnanıram ki, Fransanın qətiyyəti digər Qərb tərəfdaşlarını da bu iddialı layihəyə qoşulmağa təşviq edəcək". 

Fransa ordusunun ilkin yerləşdirmələri ilə bağlı heç bir təfərrüat paylaşılmayıb.

Qeyd edək ki, Fransa prezidenti Emmanuel Makron fevral ayında deyib ki, Qərb qoşunlarının Ukraynaya göndərilməsinə “görməmək olmaz”.

Müdaxilə NATO daxilində parçalanmalara səbəb olub. Çünki alyansa üzv ölkələr Rusiya ilə münaqişə riskini artıra biləcək hərbi addımları rədd ediblər.

Britaniya və Almaniya yüksək səslə Makronun təklifinə qarşı olduqlarını bildiriblər.

Moskva iddia edib ki, Qərb qoşunlarının yerləşdirilməsi “qaçılmaz” Rusiya ilə NATO arasında hərtərəfli müharibəyə səbəb olacaq.

Fransanın bu son addımı Ukraynanın Şərqi Avropadakı ən qızğın tərəfdarlarından bəzilərini də qoşun göndərmək barədə düşünməyə vadar edib.

Litvanın xarici işlər naziri Qabrielius Landsberqis ötən həftə deyib: "Litva öz ərazisində ukraynalıların təhsilini təşkil edə biləcək, Fransa və ya başqa ölkənin rəhbərlik edə biləcəyi ölkələrin koalisiyasının bir hissəsi olmağa hazırdır".

Onu da bildirək ki, 2022-ci ilin fevralında Rusiyanın Ukraynaya genişmiqyaslı işğalına başlayandan bəri Böyük Britaniya, ABŞ və Aİ ölkələri Avropa torpaqlarında 10 mindən çox əsgər hazırlayıb.

Günel Məlikzadə