![Husilər ABŞ hərbi gəmisini atəşə TUTDU](/uploads/posts/2024-06/1717307558_1717306147_e2cdc73f-359c-317e-b4b3-47101e69e054_850.webp)
-
- 2-06-2024, 13:11
- 123
Husilər ABŞ hərbi gəmisini atəşə TUTDU
Yəmənin üsyançı husi hərəkatı “Ənsar Allah” Qırmızı dənizdə ABŞ Hərbi Dəniz Qüvvələrinə məxsus “USS Gravely” esminesinə iki gəmi əleyhinə raket atıb, onlar zərərsizləşdirilib.
News24.az Unikal-a istinadla xəbər verir ki, bu barədə ABŞ Mərkəzi Komandanlığı (CENTCOM) sosial şəbəkədə bildirib.
“Saat 19:00-dan 23:30-a qədər CENTCOM qüvvələri Qırmızı dənizin cənubunda iki gəmi əleyhinə ballistik raketi uğurla vurub. Raketlər “USS Gravely”yə doğru atılıb və özünümüdafiə məqsədilə məhv edilib”, – məlumatda deyilir.
Bundan əvvəl “Al Masirah” telekanalı üsyançıların Qırmızı dənizdə Amerikanın “Dwight Eisenhower” aviadaşıyıcısına son sutkada iki dəfə hücum etdiyini bildirib.