Eyfel qülləsində tabutla aksiya: Rusiyadan cavab

Fransanın Ukraynaya qoşun yeritməsi ehtimalı uzun müddətdir gündəmdədir.

News24.az-ın məlumatına götə, ötən şənbə günü üç kişi mikroavtobusla Eyfel qülləsinə gəlib. Bu üç adam Eyfel qülləsinin qarşısına gips kisələri ilə doldurulmuş beş tabut qoyub gediblər.

Britaniyanın ictimai yayımı BBC-nin məlumatına görə, Fransa kəşfiyyatı hadisənin arxasında Rusiyanın dayanması ehtimalını nəzərdən keçirir.

Polis 3 şübhəlini yaxalayıb, iki kişi avtomobili idarə edən şəxsin onlara pul təklif etdiyini iddia edib. Fransa mətbuatı xəbər verir ki, onlar tabutları yerə endirmək üçün polisə 400 avro ödənildiyini bildiriblər.

"İntensiv zorakılıq aktı"

Polis hücumu təşkil edən Bolqarıstan vətəndaşı Georgi F.-nin tutulduğunu açıqlayıb. Digər iki nəfərin isə ukraynalı və alman olduğu bildirilib. Eyfel qülləsi yaxınlığında tabutu tərk edən şübhəlilərin 34 yaşlı təcavüzkarla əlaqə saxlayaraq hərəkətə keçdikləri iddia edilir.

Təqsirləndirilən şəxslər bazar günü "qəsdən zorakılıq hərəkəti" ittihamı ilə məhkəmə istintaqı ilə hakim qarşısına çıxarılıb.

Səlahiyyətlilər, "bunun xaricdən təşkil edilib-edilmədiyini anlamaq üçün" araşdırmaların davam etdiyini söylədi.

İDDİALARA RUSİYADAN CAVAB

Fransanın AFP xəbər agentliyinin məlumatına görə, Rusiyanın Fransadakı səfirliyi bu iddiaları təkzib edib. Səfirliyin bu gün yaydığı bəyanatda deyilir: “Rusiya Fransanın daxili işlərinə qarışmayıb və qarışmır”.

Tabutla bağlı insident Fransanın Ukrayna hərbçilərinə təlim keçmək üçün ölkəyə qoşun göndərmək qərarından sonra baş verib.

Günel Məlikzadə