Süd zavodunun 4 işçisi çənə düşərək öldü

Rumıniyanın İbeneşt şəhərindəki süd zavodunda 4 nəfər çökdürmə çəninə düşərək ölüb.

News24.az AZƏRTAC-a istinadla xəbər verir ki, hadisə yerinə gələn 5 xilasetmə qrupu müəssisənin inzibatçısının, direktorunun və iki fəhlənin çökdürmə çəninə düşdüyünü müəyyən edib. Yaşları 47-56 arasında olan dörd nəfər yanğınsöndürənlər tərəfindən çıxarılaraq tibbi briqadalara təhvil verilib.

Zavodun inzibatçısı ağır vəziyyətdə xəstəxanaya çatdırılsa da, onu xilas etmək mümkün olmayıb. Zavod direktorunu helikopterlə Yassıdakı xəstəxanaya göndərmək qərara alınıb, lakin o da ölüb.

Polis hadisənin səbəblərini aydınlaşdırmaq üçün yoxlamalara başlayıb.