Dünya Makrondan danışır: Sonunu gətirdi, nəticə fəlakətdir!

Bazar günü Fransada keçirilən növbədənkənar seçkilərin birinci turunda exit-poll nəticələrinə görə, Marin Le Pen və Jordan Bardellanın rəhbərlik etdiyi ifrat sağçı Milli Ralli (RN) partiyası birinci yerə yüksəlib.

News24.az xəbər verir ki, Milli Birlik Partiyasının 34 faiz səs toplaması 2022-ci ildən bu yana partiyaya dəstəyin iki dəfə artdığını göstərir. Beləliklə, Fransada keçirilən ümumi seçkilərdə ilk dəfə olaraq ifrat sağçı partiya birinci olub.

Lakin bu nəticə Milli Məclisdə çoxluğu təmin etmək üçün yetərli olmaya bilər. Ipsos-un hesablamalarına görə, Le Pen və onun müttəfiqi Respublikaçılar Partiyası (Les Républicains) 230-280 mandata sahib ola bilər. Bu da, 289-un mütləq əksəriyyətindən xeyli aşağıdır.

Qeyd edək ki, Prezident Emmanuel Makronun Avropa Parlamenti (AP) seçkilərindəki zəif çıxışından sonra erkən seçki çağırışı kursu dəyişə bilməyib. Makronun partiyası Rönesansın rəhbərlik etdiyi Respublika Uğrunda Ansambl Alyansı cəmi 20,3 faiz səs toplayıb.

Onu da bildirək ki, dörd əsas solçu Sosialistlər, Yaşıllar, Əzmsiz Fransa (LFI) və Kommunistlərdən ibarət Yeni Xalq Cəbhəsi (NPF) sorğulara görə 28,1% səs toplayaraq ikinci yerdə qərarlaşıb.

Ipsos, Makronun cəmi 70-100 yer qazana biləcəyini, NPF isə Jan-Luc Mélenchonun partiyasının üstünlük təşkil etdiyi solçu blokda 125-165 yer qazanacağını söyləyib.

Yenidən Fəth Partiyasının səs payının 1%-dən aşağı düşməsi ilə Erik Zemmur üçün pis bir gecə olduğu düşünülür. Le Pen və Jordan Bardella Reconquest lideri Zemmurla əlaqə yaratmaq istəmədiklərini bildiriblər.

Exit-poll nəticələrinə görə, Le Penin tərəfində olub-olmayacağı ilə bağlı debatlarla parçalanan sağ mərkəzçi Respublikaçılar Partiyası 10%-dən bir qədər çox səs toplayıb.

Birinci tur həm də 67,5 faiz iştirak nisbəti ilə 1981-ci ildən bəri ən yüksək fəallığa malik seçki olub. Seçkinin ikinci turu bazar günü, iyulun 7-də keçiriləcək və Milli Məclisdə deputat bölgüsü müəyyənləşəcək.

Günel Məlikzadə