WhatsApp-a yeni funksiya gələcək

WhatsApp dünyada milyonlarla istifadəçisi olması ilə yanaşı, təqdim etdiyi müxtəlif xüsusiyyətlərlə də diqqət çəkir. İndi o, istifadəçilərinin beynəlxalq ünsiyyətini daha da asanlaşdırmaq üçün Google Translate inteqrasiyasını aktivləşdirməyi planlaşdırır.

News24.az xəbər verir ki, “WhatsApp” istifadəçilərinə söhbət pəncərəsində birbaşa tərcümə etməyə imkan verəcək yeni funksiya üzərində işləyir. 

Bu funksiya ünsiyyəti daha axıcı edəcək. WhatsApp bu tərcümə əməliyyatlarını Google-un Live Translation texnologiyası ilə həyata keçirəcək. Bu yolla istifadəçilərin mesajları buludda işlənməyəcək və onların məxfiliyi qorunacaq.

Yeni funksiya istifadəçilərdən müxtəlif dil paketlərini yükləməyi tələb edən cihazlarda işləyəcək. Bu yolla, tərcümələr söhbətdə problemsiz baş verəcək. Bu, mesajların kopyalanması və yapışdırılması ilə bağlı əngəlləri aradan qaldıraraq istifadəçi təcrübəsini yaxşılaşdıracaq. WhatsApp-ın bu hərəkəti dünyanın müxtəlif dillərində ünsiyyət quran istifadəçilər üçün böyük üstünlük təmin edəcək.

Günel Məlikzadə