iPhone Krımı Rusiyanın bir hissəsi kimi tanıdı

“iPhone” mobil əməliyyat sistemi Krımı və yarımadada yerləşən şəhərləri Rusiyanın bir hissəsi kimi tanımağa başlayıb.

News24.az xəbər verir ki, bu barədə "Telegram" kanalı "Kanal No" məlumat yayıb.

Qeyd olunur ki, iOS 16.7.8-in buraxılmasından sonra standart iOS Weather proqramında Krım Rusiya Federasiyasının subyekti kimi müəyyən edilməyə başlayıb. 

Şərhlərdə istifadəçilər bu dəyişikliyi təsdiqləyiblər. Şərhçilərdən biri qeyd edib ki, sadalanan yaşayış məntəqələri hətta Amerikanın “Apple ID” hesabı ilə belə rus kimi müəyyən edilib.

Eyni zamanda, istifadəçilər Donetsk Xalq Respublikası, Luqansk Xalq Respublikası, Zaporojye və Xerson vilayətlərinin hələ də Rusiya Federasiyasının subyektləri kimi iOS-da qeydiyyatdan keçmədiyini qeyd ediblər. Üstəlik, onlar 2022-ci ilin oktyabrında Rusiyaya birləşdirilib.

Qeyd edək ki, "Apple" bu barədə heç bir açıqlama verməyib. 

Məryəm İlhamqızı