Kişidən həyat yoldaşına ağlasığmaz hərəkət - 10 ildə 70 kişi ilə...

Fransada evinə dəvət etdiyi əcnəbi kişilərlə 10 ildir dərman verib komaya saldığı arvadını zorlayan şəxs dünən məhkəmə qarşısına çıxarılıb. 

News24.az xəbər verir ki, hər şey indi 71 yaşında olan Dominique P-nin 2020-ci ildə bir alış-veriş mərkəzində üç qadının ətəyi altında gizli çəkiliş apararkən tutulması ilə başlayıb. 

Polis araşdırmasının sonunda Dominik P-nin kompüterində həyat yoldaşının huşsuz vəziyyətdə göründüyü və qəribə kişilər tərəfindən zorlandığı yüzlərlə foto və video tapılıb.

Dominik P polisin dindirilməsi zamanı həyat yoldaşına güclü narkotik verdiyini etiraf edib. Ekspert qadına verilən dərmanların onu “yuxudan çox komaya saldığını” izah edib. Polis rəqəmsal qeydlərdən yaşları 26 ilə 74 arasında olan 72 kişini müəyyən edib.

Cəmiyyətin müxtəlif təbəqələrindən olan bu insanların əksəriyyəti bir dəfə, bəziləri isə altı dəfə iştirak edib. Onlardan əllisinin kimliyi müəyyən edilərək Dominik P ilə birlikdə məhkəməyə gətirilib. Məlum olub ki, Dominik P 1991-ci ildə qətl və zorlamada, 1999-cu ildə isə DNT aşkar edilərək təcavüzə cəhddə ittiham olunub.

72 yaşlı zərərçəkənin vəkilləri qadının hadisədən xəbəri olmadığını, zorlamalar barədə polisin yaydığı foto və videolardan xəbər tutduğunu bildirib. 

Bildirilib ki, 3 övladı ilə məhkəməyə gələn qadın video və fotoları ilk dəfə məhkəmədə görəcək.

Məryəm İlhamqızı