"Apple"-dən App Store-da YENİLİK

Apple App Store-da istifadəçi təcrübəsini yaxşılaşdırmaq üçün yeni funksiya üzərində işləyir. 

News24.az xəbər verir ki, şirkət süni intellektdən istifadə edərək proqramların icmallarının xülasəsini yaradacaq.

Bu xülasələr istifadəçilərə proqram yükləməzdən əvvəl onun haqqında daha çox məlumat əldə etməyə imkan verəcək.

Yeni sistem "ən çox yayılmış müştəri rəyinə" diqqət yetirərək hər bir tətbiq üçün icmal xülasələri yaradacaq. Bu xülasələr yeni rəylər əldə olunduqca yenilənəcək.

Apple bu xülasələrin necə görünəcəyini hələ dəqiq açıqlamayıb. 

Tətbiqin səhifəsində təsvirlər və skrinşotlarla yanaşı xülasələr görünəcək.

Bildirilib ki, Apple bu xülasələri istifadəçi cihazlarında deyil, öz serverlərində yaratmağı planlaşdırır. 

Məryəm İlhamqızı