Baydendən sərt sözlər: “Bu, zarafat deyil”

ABŞ prezidenti Co Bayden bazar günü jurnalistlərlə qısa söhbət zamanı kəskin çıxış edib.

News24.az xəbər verir ki, Ağ Ev mətbuat xidmətinin jurnalistləri Baydenin dediklərini yayıblar.

Məlumata görə, Baydenə respublikaçılar tərəfindən Konqresdə qəbul edilməli olan bir neçə qanun layihəsi barədə sual verilib. Bu qanunlar ABŞ-ın cənub sərhədindəki vəziyyət və miqrasiya böhranı ilə bağlıdır və prezident seçilən Donald Trampın hakimiyyətə gələn ilk günündə onları imzalaya biləcəyi bildirilir. Bayden belə təşəbbüsləri gülünc adlandırıb, eyni zamanda Trampı öz tərəfdarlarına Konqresdə Bayden administrasiyası ilə razılaşdırılmış sərhəd nəzarətini gücləndirmək barədə qanun layihəsinin irəliləməsinə mane olmaqda ittiham edib.

Bayden miqrasiya böhranının həlli ilə bağlı nələrin edilməməli olduğunu danışarkən birdən-birə sözünü kəsib. “Bəlkə də mən ən yaşlı prezidentəm, amma mən dünyada bir çox lideri tanıyıram, onlar isə həyatınızda heç vaxt tanımadığınız adamlardır. Və mən onları tanıyıram, onların necə düşündüklərini bilirəm. Bu, zarafat deyil”, - deyə o bildirib.

Baydenin jurnalistlərə qarşı sərt ifadələr işlətdiyi ilk hal deyil. Belə ki, 2024-cü ilin 12 noyabrında jurnalistin HƏMAS tərəfindən saxlanılan girovların azad edilməsi məsələsi ilə bağlı sualına cavab olaraq, Ağ Ev başçısı jurnalistdən kameraya başını vurub-vurmayacağını soruşmuşdu.

Tramp 2024-cü il 5 noyabrda seçkiləri qazanıb və ABŞ vitse-prezidenti Kamala Harrisi məğlub edib. Respublikaçılar həm Senat Konqresini ələ keçirib, həm də Nümayəndələr Palatasında səslərin əksəriyyətini qoruyub saxlayıblar. Trampın andiçmə mərasimi 20 yanvar 2025-ci ildə keçiriləcək.

Aynurə