Azərbaycanda 30-70 ölüm göstəricisi 22 faizdir

Azərbaycanda 30-70 yaşlı əhali arasında yoluxucu olmayan xəstəliklər üzrə ölüm göstəricisi 22 faizdir.

News24.az-ın xəbərinə görə, bunu Ümumdünya Səhiyyə Təşkilatının Azərbaycandakı nümayəndəsi Hande Harmancı səhiyyə sistemində dəyişiklərlə bağlı Azərbaycan hökumətini dəstəkləmək üçün ölkəyə gəlmiş beynəlxalq missiyanın nəticələrinə dair tədbirdə deyib.

Onun sözlərinə görə, bu ölüm halları üçün əsas faktorları şəkər və qan təzyiqinin yüksəlməsi, artıq çəki, siqaretdən istifadədir. Buna görə bu xəstəliklərin idarəedilməsi və buna bağlı ölümlərin azalmasında ən vacib faktorlardan biri ilkin səhiyyə xidmətlərinin gücləndirilməsidir.

Afaq Mirayiq