"Azəriqaz" qeyri-iş günlərində də İŞLƏYƏCƏK
    • 24-08-2019, 11:16
    • 2 440

"Azəriqaz" qeyri-iş günlərində də İŞLƏYƏCƏK

Bakı şəhərində mövcud qaz sayğaclarının kütləvi olaraq yeni nəsil smart-kart tipli sayğaclarla əvəzlənməsi səbəbindən “Azəriqaz” İstehsalat Birliyinin işçilərinin qeyri-iş günlərində xidmət göstərmələrinə zərurət yaranıb. 

"Azəriqaz" İB-nin mətbuat xidmətindən News24.az-a verilən məlumata görə, artan abonent müraciətlərini operativ və qüsursuz cavablandırmaq üçün birliyin ixtisaslı kadrlarının şənbə və bazar günləri işə çıxması təmin olunub.

Onlar növbəli qrafiklə bu gün və sabah həm “Azəriqaz” İB-nin Bakı Regional Qazın Satışı Departamentinin inzibati binasında, həm də Maştağa, Xırdalan və Mərdəkan xidmət sahələrində əsasən yeni nəsil smart kartların verilməsi istiqamətində operativ xidmət göstərəcəklər.