"Səhv edəndə mənə..." - FOTOLAR

Əməkdar artist Bəhram Bağırzadə sosial şəbəkədə yeni paylaşımlar edib.

News24.az bildirir ki, Bağırzadə anası ilə birgə çəkdirdiyi fotoları "İnstagram"da paylaşaraq, onu ad günü münasibətilə təbrik yazıb: "Baxmayaraq ki, mən tamamilə yay insanıyam və günəşdən zövq alıram. Amma ən sevimli ayım noyabrdır. Çünki bu gün mənim ən əziz, qiymətsiz və sevimli anam dünyaya gəlib.  Allah mənə belə möhtəşəm ananı bəxş etdiyinə görə xoşbəxtəm. Mən dünyaya gələn andan hər zaman yanımda olmusan. Özümü pis hiss edəndə ürəyin həmişə mənimlə birgə ağlayıb. Səhv edəndə mənə ağrıya qalib gəlməkdə kömək etmisən, daha sonra qanadlarımı düzəltmisən.
Həyatımda qələbə əldə edəndə isə sən bu dünyanın ən xoşbəxti olmusan. Sənin gözlərin mənə-oğluna görə qürurdan parlayıb. O oğul ki, həmişə yanındadır və sənin arzu-xəyallarını həyata keçirməyə hazırdır. Mənə indiyədək etdiklərin və uzun illər edəcəklərin üçün minnətdaram".

Sevda Bayramova