Bakıda böyrəyini satışa çıxaran qadınla bağlı ŞOK XƏBƏR

Bakıda 2 qadın arasında baş verən dava-dalaşla bağlı cinayət işi açılıb.

News24.az-ın məlumatına görə, Sabunçu rayonunda X.Muradxanovanın həmcinsi H.Əsədovanı döyərək xəsarətlər yetirməsi faktı ilə əlaqədar olaraq Azərbaycan Respublikasının Cinayət Məcəlləsinin 128-ci, yəni, qəsdən sağlamlığa yüngül zərərvurma maddəsi ilə cinayət işi açılıb. İş üzrə məhkəmə prosesi hakim Fəqan Əhmədovun sədrliyi ilə keçiriləcək və məhkəmənin hazırlıq iclası 22 noyabr tarixinə təyin edilib.

Qeyd edək ki, barəsində cinayət işi açılan iki uşaq anası X.Muradxanova maddi sıxıntılarına görə bir müddət əvvəl böyrəyini satışa çıxarmışdı. Bu barədə mətbuatda məlumatlar dərc edilmişdi.