29 yaşlı oğlan keçmiş qayınatasını vəhşicəsinə öldürdü - AZƏRBAYCANDA

Bir neçə ay əvvəl Xaçmaz rayonunda keçmiş qayınatasını qətlə yetirən şəxs barəsində açılan cinayət işinin ibtidai istintaqı başa çatıb.

News24.az-ın məlumatına görə, Qurbanov Səfər İlham oğlu barəsində  Azərbaycan Respublikasının Cinayət Məcəlləsinin 120.1-ci, yəni, qəsdən adam öldürmə maddəsi ilə açılan işin materialları Bakı Ağır Cinayətlər Məhkəməsinə daxil olub. Məhkəmə prosesi hakim İlham Mahmudovun sədrliyi ilə keçiriləcək.

Qeyd edək ki, 23 oktyabr tarixində Xaçmazın Qımıl kəmdində 58 yaşlı Əlihüseyn Qədirov mübahisə zamanı keçmiş kürəkəni 29 yaşlı Səfər Qurbanov tərəfindən bıçaqlanıb.
Səkkiz bıçaq zərbəsi ilə Xaçmaz Rayon Mərkəzi Xəstəxanasına çatdırılan Ə.Qədirovun həyatını xilas etmək mümkün olmayıb.