Tanınmış azərbaycanlı müğənni prokurorluğa müraciət edəcək - QIZININ BAŞINA GƏLƏNLƏRƏ GÖRƏ - FOTO

“Şeron” qrupunun keçmiş solisti, tanınmış müğənnni İntizar Məmmədzadənin qızı qəzaya düşüb.

News24.az-ın məlumatına görə, bu barədə o, “Vesti.az”a açıqlamasında bildirib. Sənətçi hadisənin Moskvada ticarət mərkəzlərinin birində baş verdiyini deyib.

9 yaşlı Əsməray doğum günündə kartinq sürərkən divara çırpılıb. Nəticədə azyaşlının iki böyrəyi, bir dalağı və mədəaltı vəzisi zədələnib.
Məmmədzadə qızının 4 gün reanimasiyada qaldığını, hazırda da Moskva klinikalarının birində müalicə aldığını söyləyib.

O, sözügedən mərkəzin təhlükəsizlik qaydalarına əməl etməyərək qızına kəmər taxılmadığını bildirib. İntizar yaxın günlərdə məsələ ilə bağlı prokurorluğa şikayət ünvanlayacağını qeyd edib.