“Instagram”da tanışlıq qıza baha başa gəldi - MƏHKƏMƏ
    • 4-10-2018, 15:22
    • 1 058

“Instagram”da tanışlıq qıza baha başa gəldi - MƏHKƏMƏ

Bakı Ağır Cinayətlər Məhkəməsində qadına qarşı hədə-qorxu ilə tələb etmədə təqsirləndirilən S. İ. Ş. A. cinayət işi üzrə məhkəmə iclası davam etdirilib.
Hakim Novruz Kərimovun sədrliyi ilə keçirilən prosesdə prokuror çıxış edib. 
O deyib ki, təqsirləndirilən şəxslərin cinayəti məhkəmə istintaqı zamanı sübuta yetirilib. 
Prokuror Ş.A.-nın 9 il, S.İsmayılzadənin isə 7 il 6 ay müddətinə azadlıqdan məhrum edilməsini istəyib.
Qeyd edək ki, Baş Mütəşəkkil Cinayətkarlıqla Mübarizə İdarəsinə müraciət edən Mədinə Rzayeva (ad və soyad şərtidir) “Instagram” sosial şəbəkəsində tanış olduğu kişinin onu şantaj etdiyini bildirib.
Keçirilən əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən Füzuli rayon sakini S.İ. və qohumu Ş.A. zərərçəkmişdən 2000 manat alan zaman saxlanılaraq məsuliyyətə cəlb edilib.
İttihama görə, həmin şəxslər qadından, ümumilikdə, 13 min manata yaxın pul alıb.
İstintaq orqanı tərəfindən təqsirləndirilən şəxslərin barəsində Cinayət Məcəlləsinin 182.2.1-ci (qabaqcadan əlbir olan bir qrup şəxs tərəfindən hədə-qorxu yolu ilə tələb etmə) maddəsi ilə ittiham irəli sürülüb.
//oxu.az