"Ailə quracam dedi, amma..." - PƏRVİN ABIYEVA EKS SEVGİLİSİNDƏN DANIŞDI

"Tutaq ki, sevgilin var və sən o qıza sənətindən, peşəsindən asılı olmayaraq ümid verirsən ki, ailə quracaqsan. Efirdə də məlumat verə bilərsən. Hətta şadlıq sarayını danışırsan, qız və oğlan evini müəyyənləşdirirsən. Yəni ki, mən özbaşıma müsahibə verməmişəm. Mən o qədər də uşaq deyiləm ki, bu haqda danışam. Deməli, qarşı tərəf ümid verib ki..."

News24.az xəbər verir ki, bu sözləri aktrisa Pərvin Abıyeva MTV-də qonaq olan zaman deyib. O, bildirib ki, keçmiş sevgilisi hələ də ailə həyatı qurmayıb: "Necə ki, mən 30 yaşımda evlənmə fikrimi geri götürdüm, həmin adam da elə etdi. Ailə quracam dedi, amma qurmadı. Yaxşı ki, alınmadı".

Qeyd edək ki, Pərvin Abıyeva polis Murad Abdullayev ilə sevgili olub.

Sevda Bayramova