Qubada kişi ilə qadın maşında YANDIR!LD! Paşinyan və Akopyan “fransızca” dincəlir - Video Bakı niyə Ermənistana qaz satsın ki! “Ona mahnı verdiyim üçün peşmanam” Sarımsaq hər zaman xeyirli deyil Niyə bəzi insanlar kabus görürlər? - Alimlərdən AÇIQLAMABakıda evli kişinin dul qadınla sevgi macərası faciə ilə bitdi - TƏFƏRRÜATAzərbaycan manatının real effektiv məzənnəsi azaldı Hansı göbələklər yeyilməlidir? - Professordan açıqlama “Koroğlu”dan yalnız bu üç avtobus işləyəcək - Bəs qalanları?
40 erməni hərbçisi Kəlbəcərə keçmək istədi
    • 2-06-2021, 14:25
    • 562

40 erməni hərbçisi Kəlbəcərə keçmək istədi

"İyunun 1-i saat 20.00 radələrində Ermənistan silahlı qüvvələri təqribən 40 nəfərə yaxın şəxsi heyətlə Azərbaycan Respublikasının Kəlbəcər rayonunun Armudlu kəndi istiqamətində 400 metr Azərbaycan ərazisinə daxil olub və 40 dərəcə 04 dəqiqə 30 saniyə şimal enliyi, 45 dərəcə 54 dəqiqə 42 saniyə şərq uzunluğu (N 40°04′30″; E 45°54′42″) coğrafi koordinatlarında mövqe tutublar.

News24.az xəbər verir ki, bu barədə Müdafiə Nazirliyi və Dövlət Sərhəd Xidmətinin birgə məlumatında bildirilib.
 
"Azərbaycan Respublikasının silahlı qüvvələrinin dərhal həyata keçirdiyi tədbirlər nəticəsində Ermənistan silahlı qüvvələri ölkəmizin ərazisindən çıxarılıb.

Ermənistan silahlı qüvvələrinin şəxsi heyətinin ölkəmizin ərazisindən çıxarılması zamanı silahlı qüvvələrimiz tərəfindən silah tətbiq edilməyib.
Ermənistan silahlı qüvvələrinin Azərbaycanın ərazisinə müdaxiləsi növbəti təxribatdır və bunun məsuliyyəti tam şəkildə Ermənistan tərəfinin üzərinə düşür. Baş verən hadisə bir daha onu göstərir ki, beynəlxalq ictimaiyyətin və Azərbaycan tərəfinin sərhəd məsələlərinin danışıqlar və dialoq yolu ilə həll edilməsi ilə bağlı çağırışlarına zidd olaraq Ermənistan iki ölkənin dövlət sərhədi boyunca vəziyyəti gərginləşdirmək məqsədini güdür.

Azərbaycan Respublikasının dövlət sərhədlərinin pozulması və ölkəmizin ərazisinə Ermənistan silahlı qüvvələrinin müdaxiləsi hallarının qarşısı bundan sonra da qəti tədbirlər vasitəsilə alınacaq. Ermənistan məsuliyyətli davranmalı, qonşu dövlətlərin sərhədlərinə və ərazi bütövlüyünə hörmət etməli və regionda vəziyyəti gərginləşdirə biləcək təxribatlardan çəkinməlidir”, - deyə birgə məlumatda qeyd olunub.



Oxşar xəbərlər

Xəbər lenti