Bərdədə yolu keçmək istəyən 3 uşağı maşın vurdu - FOTO

Bərdədə yolu keçmək istəyən 3 azyaşlını maşın vurub.

News24.az Trend-ə istinadla xəbər verir ki, hadisə rayonun Qaradəmirçi kəndində qeydə alınıb.

Kənd sakinləri 7 yaşlı Səfərov Vəli Füzuli oğlu, 14 yaşlı Səfərova Leyla Füzuli qızı və 6 yaşlı Məmmədov Ümüd Şakir oğlu yolu keçmək istəyən zaman onları "Moskviç" markalı minik avtomobili vurub.

Qəza nəticəsində hər 3 yaralı hadisə yerinə cəlb olunan təcili tibbi yardım maşını ilə Bərdə rayon Diaqnostika mərkəzinə çatdırılıblar. Vəziyyətləri orta ağır qiymətləndirilir.
Hadisə ilə bağlı araşdırma aparılır.