Rəqs klubuna silahlı hücum - Çox sayda ölən var yaralanan var - FOTO

ABŞ-ın Kaliforniya ştatının Monterey Park şəhərində rəqs klubuna silahlı hücum olub. 

News24.az xəbər verir ki, hücum nəticəsində 10 nəfər ölüb, 10 nəfər yaralanıb.

Yaralılardan 7-nin müalicəsinin davam etdiyi, bəzi yaralıların vəziyyətinin ağır olduğu açıqlanıb. 

72 yaşlı şübhəli Huu Can Tran hücumdan 12 saat sonra Monterey Parkından təxminən 48 kilometr uzaqlıqda Torrance şəhərində ağ furqonda ölü tapılıb.

Polis Huu Can Tranın təhlükəsizlik qüvvələrinin əvvəlcə mühasirəyə aldığı sonra içəri girdiyi mikroavtobusda yarı avtomatik tapança ilə özünü vurduğunu açıqlayıb.

Hücumun səbəbi hələlik məlum deyil.

Huu Can Tranın hücumdan sonra Alhambra şəhərində başqa bir rəqs klubunu hədəf almağa çalışdığını bildirib. /CNN Türk/

Teymur MƏMMƏDOV