CHP qarışdı, istefalar artmağa başladı - Partiyada BÖYÜK İĞTİŞAŞ

CHP-nin Türkiyə Böyük Millət Məclisindəki yerlərinin sayı 129-a enəcək. Beləliklə, CHP-nin millət vəkillərinin sayı əvvəlki dövrdən az olacaq. 

News24.az xəbər verir ki, məclisdəki bu mənzərə CHP-ni narahat edib. CHP yazarları və keçmiş CHP-lilər də vəziyyətə reaksiya veriblər.

Kılıçdaroğluna hər fürsətdə dəstəyini ifadə edən tanınmış jurnalist Yılmaz Özdil: “Uğrunda mübarizə apardığımız insanlar tərəfindən daşqalaq edilmə riski ilə qələmin şərəfini qorumaq üçün əlimdən gələni etdim, karyeramı önə çəkdim və bildiklərimi söylədim. Düzdür, həyat mənim deyə bilmədiyimi mütləq izah edəcək”.

Keçmiş CHP üzvü Mehmet Sevigen də CHP-nin öz xəttini tərk etdiyini bildirib. Sevigen deyib: “O öz xəttinin xaricində ona səs verməyən, öz strukturuna uyğun olmayan deputatları parlamentə gətirdi. Çalışan, əziyyət çəkən bütün dostlarım kənarda qaldı. İstanbulda 31 deputatdan 18-i bizim partiyadan deyil, sabah istefa verib gedəcəklər. Kamal bəy hansı haqla bunu edir? Bu məclis ona atasından qalıb? Orada oturmaqdan utanmır? O, bu gün istefa verməlidir. O, həmçinin “Tayyib Ərdoğan səs itirdi” deyib. Burda uduzmuş bircə bizik, ağlayan da bizik”.

Kılıçdaroğlunun keçmiş vəkili Mustafa Kamal Çiçək: “CHP-ni peşkəş etdilər! Yerində saydılar! Ərdoğan 21 ildə bələdiyyə başçılarınız da daxil olmaqla 16 dəfə hamınızı yuvarlayıb əzdi! 37 deputat yüzdə 1 olmayan 4 partiyaya getdi! 2018-ci ildən geridə qaldılar! Siz kreslolarınızı qorumaq üçün hər cür biabırçılığı edirsiniz! Biz dünya siyasi tarixinə düşəcək bir vəziyyətlə üz-üzəyik. Xalq hələ də Rəcəb Tayyib Ərdoğanda ümid görür. Bu seçkidə uğursuz olan Kılıçdaroğludur”.

CHP-yə dəstəyi ilə tanınan pianoçu Fazil Say da seçki sonrası tənqidlərini dilə gətirib. “Bu səhər; Beynimdə o qədər suallar var ki, heç birinə cavab verilmir. Bundan sonra cavablarım olmadığı üçün susuram. Düşünürəm ki, hər zaman susacağam”, - deyə o bildirib.

Eyni zamanda, CHP-nin sədr müavini Onursal Adıgözəl istefa verib. Məlumata görə, istefaya səbəb Adıgözəlin sosial mediada tənqidlərə cavabı olub. CHP-nin mayın 14-ü axşam saatlarında seçkinin nəticələrini rəsmi şəkildə TV-də dərc etməməsi böyük reaksiyalara səbəb olub. O, vətəndaşlara cavabında "Cümhuriyyət Xalq Partiyası olaraq heç vaxt hər kəs üçün əlçatan bir seçki nəticələri ekranı yayımlamaq öhdəliyi götürməmişik", deyə qeyd etmişdi. 

Bu açıqlamadan saatlar sonra CHP sədri Kamal Kılıçdaroğlu partiyanın informasiya və kommunikasiya texnologiyaları üzrə müavinini Onursal Adıgözəli vəzifəsindən azad edib.


Turan