Turistləri "Titanik"in batdığı yerə aparan şirkətlə bağlı ŞOK FAKTLAR

Atlantik okeanının sularında yoxa çıxan “Titan” sualtı avtonom gəmisinin məxsus olduğu şirkətə dəfələrlə xəbərdarlıq edilib ki, “fəlakətli” təhlükəsizlik problemləri ilə üzləşə bilər.

News24.az xəbər verir ki, bu barədə “Associated Press” açıqlanan məhkəmə sənədlərinə istinadla məlumat yayıb.

Vaşinqton ştatında yerləşən “OceanGate Expeditions” sualtı kəşfiyyat şirkəti 2021-ci ildən etibarən hər il “Titanik”lə bağlı hesabatlarını yeniləyir.

“OceanGates” Dəniz Əməliyyatları Direktoru David Lokric 2018-ci ildə texniki hesabat yazaraq, inkişaf etdirilən gəminin daha çox sınaqdan keçirilməsinə ehtiyac olduğunu və həmin il rayon məhkəməsində açılan iddiaya görə, sərnişinlərin “həddindən artıq dərinliyə” çatması təhlükəsi ilə üzləşə biləcəyini söyləyib.
Elə həmin il “OceanGate” Lokrici məlumatın açıqlanmaması müqaviləsini pozduğuna görə məhkəməyə verib.

Məlumata görə, gəmi “Titanik”in olduğu 4000 metr dərinliyə çatmaq üçün nəzərdə tutulmuşdu. Lakin Lokric bildirib ki, sərnişin pəncərəsi yalnız 1300 metr dərinliyə qədər sertifikatlaşdırılıb və “OceanGate” 4000 metr dərinliyə qədər sertifikatlı pəncərə quraşdırmaq üçün istehsalçıya pul ödəməyəcək.

Bununla belə, şirkət şikayətində Lokricin mühəndis olmadığını və gəmidə mühəndislik xidmətləri göstərmək üçün işə götürülmədiyini və ya tələb olunmadığını bildirib. 

Akqabay