Mən Priqojinə çağırış etdim, amma o... — Kadırov

“Priqojini biznes ambisiyalarından əl çəkməyə və onları milli əhəmiyyətli məsələlərlə qarışdırmamağa inandırmışdım”.

News24.az xəbər verir ki, bunu Çeçenistan rəhbəri Ramzan Kadırov bildirib.

O, “Vaqner” PMC-nin rəhbəri Yevgeni Priqojinlə danışığını xatırladıb:
 
“Onun məni eşitdiyini düşündüm, amma məlum oldu ki, onda bu qəzəb bütün bu müddət ərzində daha da artıb. Uğursuz sövdələşmələr zənciri iş adamında gizli və uzun müddət davam edən incikliyin yaranmasına səbəb oldu və Sankt-Peterburq hakimiyyətinin qızına istədiyi torpaq sahəsini verməməsi pik həddə çatdı. Bir nəfərin təkəbbürü belə təhlükəli nəticələrə gətirib çıxara və çoxlu sayda insanı münaqişəyə cəlb edə bilər”, – Kadırov Teleqram kanalında yazıb.

O, həmçinin “Vaqner”in bütün döyüşçülərini “qərarlarında ayıq olmağa davam etməyə” çağırıb. 

“Ölkənin gələcəyini, ailələrini, uşaqlarını düşün. Bu cür hərəkətlər fəlakətli nəticələrə səbəb ola bilər. İndi hər şey sülh yolu ilə, qan tökülmədən başa çatdı, amma ola bilərdi”, - Çeçenistan rəhbəri qeyd edib.

Akqabay