Bərdədə idarəetmədən çıxan avtomobil ağaca çırpılıb

News24.az-ın məlumatına görə, hadisə Bərdə-Tərtər yolunun Bərdənin Zümürxan kəndi ərazisindən keçən hissəsində qeydə alınıb.

Belə ki, “Renault” markalı nəqliyyat vasitəsi idarəetməni itirərək yol kənarındakı ağaca çırpılıb.

Qəza nəticəsində avtomobilin sürücüsü müxtəlif dərəcəli bədən xəsarətləri alıb.

Avtomobil yararsız vəziyyətə düşüb. Faktla bağlı araşdırma aparılır.