Səhiyyə Nazirliyinin yaxınlığında etiraz AKSİYASI - FOTO

Avqustun 14-də Litva Səhiyyə Nazirliyinin binası yaxınlığında qlobal istiləşmə mövzusunda nümayiş keçirilib.

News24.az xəbər verir ki, tədbirin keçirilməsində məqsəd qlobal istiləşmə və ekstremal vəziyyətlərin tez-tez baş verməsinin insanların sağlamlığına necə təsir etdiyinə cəmiyyətin və hakimiyyət orqanlarının diqqətini cəlb etməkdir.

Tədbirin təşkilatçısı, Extinction Rebellion təşkilatının üzvü Qabia Qorobetsite-Yosene qlobal istiləşmənin insanların psixoloji və fiziki sağlamlığına antropogen təsirinə diqqət yetirməyin çox vacib olduğunu bildirib. Onun sözlərinə görə, kəskin iqlim dəyişikliyi uzunmüddətli perspektivdə bəşəriyyət üçün ən böyük təhlükə hesab olunur.

"Bu ilin iyul ayı hava monitorinqinin başlanmasından bəri ən isti ay olub. Yüksək temperatur ağciyərlərə təsir edir, ürək və qan damarları xəstəlikləri olan insanların vəziyyətini pisləşdirir. Suboptimal temperatur hər il 5 milyon insanın ölümünə səbəb olur. İstilik emosional vəziyyətə də təsir edir. Bu da depressiya, narahatlıq və intihar riskini artırır", deyə aktivistlər öz etirazlarını bildirib.


Aynurə