-
- 6-09-2023, 14:44
- 91
Qarşıdurma böyüyür: 33 kənd azad edildi
PKK terror təşkilatının Suriya Deyr əz-Zor vilayəti Hərbi Şurasının rəhbəri Əhməd əl-Habili saxlamasından sonra başlayan qarşıdurma digər tayfaların qatılması ilə daha da böyüyüb.
News24.az bu barədə Türkiyə mətbuatına istinadla xəbər verir.
Məlumata görə, ərəb tayfalarının silahlı mübarizəyə başlamasından sonra PKK/YPG terrorçuları nəzarət etdikləri bölgələrdən çıxmağa başlayıblar.
Ərəb tayfaları Deyr əz-Zor, Raqqa, Hasəkə və Mənbicdə 33 kəndi terror qruplaşmasından azad edib.
Hazırda Diban qəsəbəsində şiddətli qarşıdurmanın davam etdiyi deyilir.
YPG-nin tərkibindəki “Suriya Demokratik Qüvvələri” (SDQ) Suriyanın neft və təbii qaz hasilatının 80 faizinə nəzarət edir. Neft satışından əldə olunan gəlir YPG-yə çatsa da, bunun maliyyə hesabatı yoxdur.
Bildirilir ki, SDQ Suriyanın şimal-şərqində, ölkənin ən zəngin neft yataqlarının yerləşdiyi Deyr əz-Zor, Hasəkə və Raqqada üstünlüyünü qoruyur. Həmçinin oradakı 20 neft quyusundan 11-nə nəzarət edir. Burada istehsal gücünün Əsəd rejiminin nəzarətində olan sahələrdən daha çoxdur.
Ayşən