11 sentyabr terrorunda ölən daha iki nəfərin ŞƏXSİYYƏTİ BİLİNDİ

2001-ci il sentyabrın 11-də ABŞ-də törədilən terror aktlarında həlak olan daha iki nəfərin şəxsiyyəti müəyyənləşib.

News24.az xəbər verir ki, SKY News-un məlumatına görə, ölkə tarixində 3 minə yaxın insanın ölümünə səbəb olan ən böyük terror aktının 22-ci ildönümünə iki gün qalmış şəxsiyyəti müəyyən edilən iki nəfərin cənazəsi ailələrinə təhvil verilib.

Hücumda indiyədək həyatını itirən 1649 nəfərin şəxsiyyəti DNT testləri ilə həyata keçirilib.

2001-ci il sentyabrın 11-də ABŞ-da törədilən terror aktlarının qurbanlarının və yaxınlarının açdığı məhkəmə iddialarının əksəriyyəti hələ yekunlaşmasa da, hücumlarla bağlı bir çox suallar hələ də cavab gözləyir.

Günəş Mərd