-
- 14-09-2023, 00:13
- 140
BMT-nin qərargahı Nyu-Yorkdan köçürülməyəcək - RƏSMİ AÇIQLAMA
BMT-nin baş katibi Antonio Quterreş hesab edir ki, qərargahın Nyu-Yorkdan başqa şəhərə köçürülməsi mümkün deyil.
News24.az “TASS”a istinadla xəbər verir ki, “Qərargahın Nyu-Yorkda yerləşməsi üzv ölkələr tərəfindən San-Fransiskoda təsdiqlənib məncə, bu məsələ ilə bağlı BMT Nizamnaməsinə dəyişiklik etmək ehtimalı yoxdur”, - deyə o bildirib.
1946-cı ildə Nyu-York rəsmi olaraq BMT-nin Baş Qərargahının yeri olaraq seçildi. BMT-nin baş qərargahının ABŞ-da olması dünya təşkilatı ilə Vaşinqton arasında bağlanmış və Baş Assambleyanın 31 oktyabr 1947-ci ildə qəbul etdiyi müqavilə (169 saylı qətnamə) ilə tənzimlənir. Bu sənədə görə, BMT-nin binasının olduğu ərazi “bütün üzv dövlətlərə məxsus beynəlxalq zonadır”. Amerika hakimiyyət orqanları BMT tədbirlərinə rəsmi gələn şəxslərin qərargahına daxil olub-olmamasına mane olmamağa borcludur.
Bunlara BMT-yə üzv ölkələrin və ya ixtisaslaşmış qurumların nümayəndələri və ya rəsmiləri, ekspertlər, BMT-də akkreditə olunmuş jurnalistlər, habelə məsləhətləşmələrə dəvət olunmuş qeyri-hökumət təşkilatlarının nümayəndələri daxildir. Birləşmiş Ştatlar bu şəxslərə “pulsuz və mümkün qədər tez” viza verməlidir.