2023-cü ildə Tibb üzrə Nobel Mükafatçıları AÇIQLANIB

2023-cü ildə tibb üzrə Nobel mükafatı koronavirusa qarşı mRNT peyvəndinin tədqiqatçılarına verilib.

News24.az xəbər verir ki, Macarıstan alimləri Katalin Kariko və amerikalı Drew Weissman 2023-cü ildə Fiziologiya və Tibb üzrə Nobel Mükafatını qazanıblar.

Oktyabrın 2-də Stokholmdakı Karolinska İnstitutunun Nobel Komitəsi elan edib ki, onlar COVID-19-a qarşı mRNT vaksinlərinin hazırlanmasına əsas yaradan tədqiqatlara görə mükafatlandırılıblar.

Peyvənd üçün messenger ribonuklein turşusundan (mRNT) istifadə konsepsiyası ilk dəfə 30 ildən əvvəl təklif edilib. Bununla belə, erkən təcrübələr göstərdi ki, bu texnologiya arzuolunmaz iltihab reaksiyalarına səbəb olur. Kariko və Weissman onlardan qaçmağın bir yolunu tapdılar, bu, koronavirus pandemiyası zamanı klinik istifadə üçün uyğun olan mRNA vaksin platformasının yaradılması üçün çox vacib idi.

Nobel komitəsinin ekspertlərinin izah etdiyi kimi, mRNT peyvəndlərinin hazırlanma sürəti yeni platformanın digər yoluxucu xəstəliklərə qarşı peyvəndlər üçün istifadə edilməsinə yol açır. Gələcəkdə bu texnologiyanın terapevtik zülalların çatdırılması və bəzi xərçəng növlərinin müalicəsində də istifadə oluna biləcəyi gözlənilir.

Qeyd edək ki, Fiziologiya və Tibb Mükafatı 1901-ci ildən bəri verilir. 

Ayşən