Mixail Saakaşvili Azərbaycan və Ermənistan xalqlarına MÜRACİƏT ETDİ

"Moskva Azərbaycan və Ermənistan arasında yeni hərbi münaqişənin qızışdırılmasında həyati cəhətdən maraqlıdır".

News24.az  xəbər verir ki, bu fikiri Gürcüstanın üçüncü Prezidenti Mixail Saakaşvili deyib.

Onun sözlərinə görə, Kreml tərəfləri bu məsələni hərbi yolla həll etməyə sövq edir, Azərbaycanın beynəlxalq mövqelərinə xələl gətirmək, İrəvanda hakimiyyəti dəyişmək və öz “sərhədçiləri”ni bu dəhlizdə yerləşdirmək istəyir.

“Mənim Azərbaycan və Ermənistan xalqlarına müraciətim:

Moskva Azərbaycanla Ermənistan arasında yeni hərbi münaqişənin qızışmasında, bütün bunların nəticəsində regionun siyasətinə daha fəal müdaxilə etməkdə, həmçinin öz ordusunun əlavə hissələrini yerləşdirməkdə həyati maraqlıdır. Azərbaycanın beynəlxalq mövqelərinə xələl gətirmək, İrəvanda hakimiyyəti dəyişmək və öz “sərhədçiləri”ni bu dəhlizə yeritmək istəyir.

Əslində, dünyada oxşar məsələlərin həlli ilə bağlı daha ağrısız və müsbət təcrübələr var, onlardan biri də Moldova ilə Ukrayna arasında yol icarəsi müqaviləsidir, mən Odessa qubernatoru olanda Odessadan Dunay bölgəsinə gedirdim, Ukraynanın icarəyə götürdüyü yolun Moldova ərazisindən keçən hissəsindən bu hissəyə Ukrayna sərhədçiləri nəzarət edir və mən magistralın qalan hissəsi ilə birlikdə onu əsaslı şəkildə yeniləmişəm, Moldova bu yolu icarəyə verməklə böyük iqtisadi səmərə əldə edirdi, dəqiq Eyni şeyi Ermənistan və Azərbaycan da edə bilər, əgər yol icarəsi müqaviləsi əldə olunarsa, Ermənistan çoxlu gəlir əldə edə bilər, həmçinin mühüm nəqliyyat və logistika mərkəzinə çevrilərək əsas beynəlxalq marşrutlara çıxış əldə edə bilər" , - deyə o, qeyd edib.

Aynurə