Milyonlarla insan internetsiz qaldı

Avstraliyada bir neçə milyon insan ölkənin ikinci ən böyük telekommunikasiya şirkəti “Optus”da kütləvi fasilə səbəbindən internet və mobil rabitəsiz qalıb. 

News24.az Lent.az-a istinadən verdiyi məlumata görə, uğursuzluq ölkənin şərq sahillərindəki yüzlərlə şəhərə təsir edib.

"Müştərilərimizi rabitəsiz qoyan ciddi bir nasazlıq baş verib. Hazırda şirkətin bütün texniki xidmətləri sistemi bərpa etmək üçün çalışır və ümid edirik ki, biz tez bir zamanda normal fəaliyyətə qayıda biləcəyik", - deyə Optus bildirib. 

Provayderin əməkdaşları qeyd ediblər ki, nasazlığın səbəbi “hələ də qeyri-müəyyən olaraq qalır”.