"Arsenal" onunla müqaviləni uzadır

"Arsenal" müdafiəçisi Ben Uayt ilə müqaviləni uzatmaqda son mərhələdədir.

News24.az Bizim.Media-ya istinadla xəbər verir ki, bu barədə jurnalist Fabrizio Romano öz "X" hesabında məlumat verib.

İngilis futbolçunun klubla hazırkı müqaviləsi 2026-cı ilin iyun ayının sonuna kimidir. 

Bildirilib ki, hər iki tərəf yekun razılığa gələ biləcəklərinə tam əmindir. Gələn həftə aktiv danışıqlar davam etdiriləcək.  

Bu mövsüm Ben Uayt "Arsenal"ın heyətində bütün rəsmi turnirlərdə 18 oyuna çıxıb və 1 qol vurub.