Tramp QORXDU: "Mən o qadını tanımıram"

ABŞ-ın keçmiş prezidenti Donald Tramp Nyu Yorkda davam edən "E. Jean Carroll" adlı qadına qarşı təcavüz və təhqir iddiasının davamı olan "zərərin təzminatı" işində 3 dəqiqəlik açıqlama verib.

News24.az bildirir ki ABŞ-ın keçmiş prezidenti Donald Tramp vəkili ilə birlikdə şahid kürsüsünə əyləşib.

Vəkili Alina Habba Trampı şahid kürsüsünə çağırdıqda "Mən bu qadınla heç vaxt görüşməmişəm, bu qadını tanımıram” deyib.

Hakim Lyuis Kaplan Trampdan məhkəmə prosesini pozmamasını istəyib.

Təxminən 3 dəqiqə ifadə verdikdən sonra məhkəmə zalını tərk edən Trampın çöldə başını yelləyərək “Bura Amerika deyil” deyib.

Qeyd edək ki, 80 yaşlı jurnalist E. Jean Carroll Trampın 1996-cı ilin yazında Nyu-Yorkdakı "Bergdorf Goodman" mağazasının soyunub-geyinmə otağında ona təcavüz etdiyini bildirib. Lakin Tramp bu iddiaları rədd edib.

Nəzrin