Xiaomi 14 Ultra titan modelinin QİYMƏTİ

Xiaomi 14 Ultra modelinin fevralın 22-də Çində təqdim ediləcəyi və fevralın 25-də qlobal bazar üçün rəsmi olacağı gözlənilir. Telefonun qiyməti tanıtım tədbirindən əvvəl məlum olub. 

News24.az xəbər verir ki, Xiaomi 14 Ultra Çində üç konfiqurasiyada təqdim olunacaq; 12 GB RAM + 156 GB yaddaş, 16 GB RAM + 512 GB yaddaş və 16 GB RAM + 1 TB yaddaş. Telefonun xüsusi titan versiyası ilə çıxacağı iddia edilir. Bununla belə, titan dizaynını 16GB + 1TB modelində görəcəyik. Bu yaddaş və saxlama üçün qiymətin təxminən 1000 dollar, titan modelinin isə 1110 dollar olacağı gözlənilir.

Xiaomi 14 Ultra 6,73 düym, 2K, 120Hz OLED ekrana sahib olacaq. Android 14 əsaslı HyperOS ilə gələcək telefon Snapdragon 8 Gen 3 prosessoru ilə təchiz ediləcək. Yaddaş LPDDR5x, saxlama UFS 4.0. Telefonun 5300 mAh batareyası 90W simli və 50W simsiz şarjı dəstəkləyəcək. 

Günel Məlikzadə