Navalnının müttəfiqinə çəkiclə hücum edildi

Rusiya müxalifətinin lideri Aleksey Navalninin ən böyük müttəfiqi Litvada evinin qarşısında hücuma məruz qalıb.

News24.az xəbər verir ki, Navalninin sözçüsü Kira Yarmiş açıqlamasında deyib: “Leonid Volkov yenicə evinin qarşısında hücuma məruz qalıb. Kimsə maşınının şüşəsini sındıraraq onun üzünə gözyaşardıcı qaz vurub, sonra hücumçu Leonidi çəkiclə vurmağa başlayıb”.

Açıqlamaya görə, Volkov evinin qarşısında hücuma məruz qalıb, qolları və ayaqları çəkiclə vurulub.

Qeyd edək ki, ölkənin xarici işlər naziri Qabrielius Landsbergis Litva rəsmilərinin hücumu araşdırdığını bildirib.

Hücumu "şok" adlandıran Landsbergis, "Cinayətkarlar cinayətlərinə görə cavab verməli olacaqlar" dedi.

Hücum Rusiya prezidenti Vladimir Putinin beşinci müddətə qalib gələcəyinə demək olar ki, əmin olduğu Rusiya prezident seçkilərinə bir neçə gün qalmış baş verib.

Günel Məlikzadə