Prezidentlərin menyusu: Kim, Bayden, Putinin səhər süfrəsində nələr olur?

Dünya liderləri və digər böyük siyasi xadimlər əlçatmaz görünür - onların gərgin iş qrafiki, saysız-hesabsız çıxışları və son dərəcə formal ünsiyyət tərzi. Daim kameraların və ictimaiyyətin diqqəti altında olsalar belə, onların da öz vərdişləri və hobbiləri var. Əlbəttə ki, xüsusi menyu da bura daxildir. Dünya liderləri günə xüsusi səhər yeməyi ilə başlayırlar. Onların səhər menyusu həm estetik, həm də ləzzət baxımından seçilir.

News24.az publika.az-a istinadla bu yazıda oxucuları prezidentlərin sevdiyi səhər yeməkləri ilə tanış edir. Gəlin müxtəlif ölkələrin prezidentlərinin günlərinə necə başladığını birlikdə öyrənək.

Vladimir Putin

Rusiya prezidenti təmtəraqlı yeməkləri sevmir. Vladimir Putin DTK-da işlədiyi vaxtdan sadə yeməyə alışıb. Kremldəki təntənəli qəbullarda o, şübhəsiz ki, ən nəfis şedevrləri yeyir - beş növ balıqdan hazırlanmış balıq şorbasından tutmuş şirin kartof və böyürtkəndən hazırlanmış qarnitürlə nadir maral ətinə qədər... Lakin onun gündəlik menyusu adi yeməklərdən ibarətdir. Səhər yeməyində suda qaynadılmış müxtəlif dənli bitkilər, əsasən yulaf sıyığı yeyir. Bununla yanaşı, bədəndə protein balansını qorumaq üçün qaynadılmış yumurta yeyir. Bəzən prezident günə kəsmik və qurudulmuş meyvələrlə başlamağı xoşlayır. O, çıxışlarının birində qeyd edib ki, onun üçün kəsmiyi Rusiya Patriarxı birbaşa ekoloji təmiz təsərrüfatlardan gətirir. Həmçinin prezidentin masasında həmişə bal, qoz-fındıq qarışığı və təzə dəmlənmiş çay olur.

Co Bayden

ABŞ prezidentinin ətrafındakı hər kəs Co Baydenin rasionunun beş yaşlı uşaqların yediyi qidalardan fərqlənmədiyini iddia edir.

81 yaşlı siyasətçi fəstfudu çox sevir, buna görə həyat yoldaşı Cil onu daim danlayır. Amerika filmlərindəki məşhur stereotipik səhər yeməyini xatırlayırsınız? Baydenin evindəki masa tam olaraq belə görünür: prezident səhər yeməyində fıstıq yağı ilə mürəbbəli iki sendviç yeməyə üstünlük verir. Məşhur fıstıq yağı və mürəbbə jelesi çəkilmiş sendviçi bir stəkan təzə portağal suyu və ya qara qəhvə müşayiət edir.

Nahar və şam yeməyində isə demək olar ki, həmişə hamburger, pizza, spagetti və digər zərərli yeməkləri seçir. Bir sözlə, özünə heç bir məhdudiyyət qoymur. Co Bayden zərərli yeməklərin pərəstişkarı olduğunu gizlətmir. Buna görə onu "gəzən Amerika stereotipi" adlandırırlar.

Sercio Mattarella

İtaliya prezidenti öz seçimlərində daha mühafizəkardır. Sercio Mattarella pizza və makaronu çox sevir, lakin sağlam həyat tərzini qorumaq üçün həddi aşmamağa çalışır. Dövlət başçısının səhər menyusu dəyişməzdir: yağsız tost, pomidor sousunda lobya və yumurta - ya qaynadılmış, ya da yağda bişirilmiş. 82 yaşlı Mattarella gənc həmkarlarına əsl nümunədir, sağlam həyat tərzi onun üçün ani həzzlərdən daha vacibdir.

Salome Zurabişvili

Salome Zurabişvili, görünür, düzgün qidalanmaya sadiq qalmaqda çətinlik çəkir. Gürcüstan prezidenti mütəmadi olaraq milli mətbəxi tərifləyir, tədbirlər və bayramlar zamanı xinkali və xaçapurilərə "yox" demir, qalan vaxtlarda isə özünü məhdudlaşdırmağa çalışır. O, günə sağlam yeməklə başlayır: yumurta, avokado, təzə xiyar və pomidor salatı. Bəzən "yaşıl" boşqaba bir parça suluguni və ya İmeretiya pendiri əlavə edilə bilər, bunun sayəsində səhər yeməyi daha balanslaşdırılmış olur.

Si Cinpin

Çin mədəniyyəti ilə tanış olan insanlar artıq bilirlər ki, Səma İmperiyasının sakinləri üçün səhər yeməyi, nahar və şam yeməyinə bölünmür: onlar ət və hər hansı digər ağır yeməkləri hətta səhər saat 7-də yeyə bilərlər ki, bu da avropalı turistləri dəhşətə gətirir. Ölkə prezidenti buna parlaq nümunədir, ilk yeməyi içi yumurta və ətli düyü piroqlarından ibarətdir. Prezident yeməklərdə qətiyyən seçici davranmır: heç kimə sirr deyil ki, Si Cinpin bəzən adi insanların nahar etdiyi müəssisələrə baş çəkir. O, xəbərdarlıq etmədən restorana daxil olur, ən sadə yeməkləri sifariş edir və müştərilərin alqışları altında yeyir.

Kim Çen In

Şimali Koreya liderinin həyatı həmişə müəmmalı olub, lakin onun rutini haqqında bir-iki ipucu verə bilərik. Çoxu bilir ki, Kim Çen In yeməyi çox sevir və onun menyusu həmişə müxtəlifdir. KXDR rəhbəri uşaqlıqda çox səyahət etdiyi üçün onun zövqləri də "rəngarəngdir". Onun ən çox sevdiyi səhər yeməyi raşti, İsveçrə pancake növüdür. Bu, qaynadılmış və sürtgəcdən keçirilmiş kartofdan hazırlanır. 15 santimetr qalınlığında pancakeklərin içi pendir, donuz əti, soğan və göyərti ilə doldurulur. Kim qəhvəni də sevir. Xüsusilə onun üçün Braziliyadan "super elit" taxıllar gətirilir, onlardan şəxsi aşpazlar xüsusi, çox canlandırıcı içki dəmləyirlər. Aşpazların sözlərinə görə, Şimali Koreya lideri təkcə qəhvəyə ildə bir milyon dollara yaxın pul xərcləyir.