Bu ölkə də narkotiklərə icazə verdi

Almaniya bu gündən etibarən vətəndaşlara 25 qrama qədər narkotik saxlamağa və evlərində üç çətənə bitkisi yetişdirməyə icazə verir.

News24.az xəbər verir ki, almanlar dünən axşam saatlarında qanun dəyişikliyini qeyd etmək üçün ictimai yerlərdə, o cümlədən Berlindəki Brandenburq darvazasında toplaşıblar.

İyun ayından etibarən çətənələrin üzvlərə satıla biləcəyi çətənə sosial klubları yaradılacaq, lakin bu qurumların ölçüsü 500 üzvlə məhdudlaşacaq.

“The Telegraph” yazır ki, qanun geriyə şamil ediləcək, ona görə də çətənə saxlamaqda təqsirli bilinən hər kəsin cəzası ləğv edilə bilər.

Ölkənin 16 əyalətində dövlət ittihamçıları qanunun qüvvəyə minməsinə qədər hansı məhbusların azad edilməli olduğunu görmək üçün minlərlə işi qiymətləndirirlər.

Qeyd edək ki, Hamburqda polis 55 məhbusu azad edib və marixuana ticarəti ilə əlaqəli aktiv insan ovunu dayandırıb.

Günel Məlikzadə