-
- 5-04-2024, 20:00
- 150
Məscidə basqın etdilər
İsrail polisi səhər namazından sonra "şüarların səsləndirilməsi" səbəbi ilə Məscidül-Əqsanın həyətinə pilotsuz uçuş aparatından (PUA) gözyaşardıcı qaz atıb.
News24.az xəbər verir ki, Ramazan ayının son cümə günü on minlərlə müsəlman səhər namazını qılmaq üçün işğal altındakı Şərqi Qüdsdəki Əl-Əqsa məscidinə axışıb.
Qüds İslam Vəqfləri İdarəsindən verilən açıqlamaya görə, Əqsada səhər namazını 65 min nəfər qılıb.
Sosial mediada paylaşılan görüntülərə görə, səhər namazından sonra bir qrup Məscidül-Əqsa daxilində “Qanımızla, canımızla sənə gəlirik, Əqsa” şüarları səsləndirib. İsrail polisinin PUA-sı bu hissəyə havadan gözyaşardıcı qaz atıb. Məscidül-Əqsada onlarla insan qazdan zərər çəkib və ərazidə qısa müddətli döyüş olub.
Günel Məlikzadə