Hürü Yusubova faciəvi şəkildə öldü

Zaqatalada 76 yaşlı qadın intihar edib.

News24.az APA-ya istinadla xəbər verir ki, hadisə rayonun Muğanlı kəndində qeydə alınıb.

Kənd sakini 1948-ci il təvəllüdlü Hürü Əhməd qızı Yusubovanın meyiti yaşadığı evin həyətyanı sahəsindəki qoz ağacından asılı vəziyyətdə ailə üzvləri tərəfindən aşkar edilib. İlkin araşdırma zamanı 76 yaşlı qadının intihar etdiyi məlum olub.

Faktla bağlı Zaqatala rayon prokurorluğunda araşdırma aparılır.