Qadınlardan qorxduğu üçün 56 ildir evdən çıxmır

Ruandadan olan qoca qadınlardan qorxduğu üçün 56 il özünü dünyadan təcrid etmək məcburiyyətində qalıb.

News24.az xəbər verir ki, 71 yaşlı Kalitkse Nzamvit 16 yaşında ikən özünü evə kilidləyib.

O, qadınlardan uzaqlaşmaq məcburiyyətində qalıb, onun sözlərinə görə, daha sonra kişi əlavə qorunmaq üçün evinin sahəsini dörd metr yarım hündürlükdə hasarla əhatə edib.

Onun sözlərinə görə, qarşı cinsin nümayəndələrinin ona yaxınlaşmaması üçün hasar çəkib.

Kişinin qonşularından biri təsdiqləyib ki, o, uşaqlıqdan demək olar ki, evindən çölə çıxmayıb. Eyni zamanda kişi yalnız ona qayğı göstərən həmkəndliləri sayəsində sağ qalıb.

 “Qəribədir, amma o, qadınlardan qorxsa da, ona yemək və digər zəruri əşyaları gətirən bizik. Ancaq biz ona yaxınlaşıb danışa bilmirik. Sadəcə hər şeyi girişdə qoyuruq, sonra gəlib yeməkləri, əşyaları özü aparır”, - qonşu qadınlardan biri deyib.

Qonşuların dediyinə görə, Nzamvit evin yaxınlığında qadın görsə, qaçaraq evə girir və orada özünü bağlayır.

Bu kişinin əziyyət çəkdiyi bu xəstəliyə jinofobiya və ya ginekofobiya deyilir - bu, qadınlara qarşı obsesif qorxu, sosial fobiyanın spesifik bir növüdür.

Bu fobiyadan əziyyət çəkənlər hətta tək qadınları düşünərkən də narahatlıq keçirə bilərlər.

Həkimlərin sözlərinə görə, jinofobiyadan əziyyət çəkənlərdə tez-tez panik atak, sinə ağrısı, həddindən artıq tərləmə və həzm problemləri kimi simptomlar da olur.