Məşhur milyarder sərvətini bu şəxsə bağışladı

Dünyanın ən böyük moda şirkətlərindən biri olan Hermes-in 80 yaşlı varisi Nikolas Puech Fransanın və dünya miqyasında lüks mallar istehsalçılarından biri olan Hermes-in qurucusu Thierry Hermes-in 5-ci nəsil nəvəsi kimi tanınır. 

News24.az xəbər verir ki, 80 yaşlı milyarder Puech sərvətinin kimə qalacağı ilə bağlı verdiyi qərarı ilə ailəsini və bütün dünyanı təəccübləndirib.

Fransız mətbuatının da maraq göstərdiyi bağbanının kimliyi bilinməsə də, Puechin son illərdə ailəsi ilə demək olar ki, görüşmədiyi bildirilir.

Qeyd edək ki, Hermes-in 5,7 faizinə sahib olan Puech əvvəllər sərvətini bir vəqfə bağışlayacağını deyib. Lakin sonradan qərarını dəyişərək vəqfə yeni vərəsəlik ərizəsi göndərib. Bu gözlənilməz qərar fondda şok effekti yaradıb.

Puech, mirası birbaşa ailə üzvü olmayan bir şəxsə buraxmaqda yaşanan çətinliklərə görə ilk olaraq 51 yaşlı bağbanını övladlığa götürməyi düşünüb. Ancaq İsveçrədə yetkin bir insanı övladlığa götürmək mürəkkəb bir iş olduğundan bu vəziyyətin potensial riskli hüquqi mübarizəyə səbəb ola biləcəyi bildirilir.

Onu da bildirək ki, Puech, moda rəqibi LVMH-nin düşməncəsinə ələ keçirmə cəhdindən sonra 2014-cü ildə Hermes idarə heyətini tərk edib. Lakin o, öz paylarını saxlayıb və onu İsveçrənin ən zəngin adamlarından birinə çevirib.

Təxminən 200 milyard dollar dəyərində olan Fransanın üçüncü ən böyük səhm şirkəti olan Hermes tez-tez medianın diqqət mərkəzində olub. Bununla belə bu son inkişaf şirkətin uzun müddətdir qurulmuş ailəsinin gələcəyi ilə bağlı marağı təzələyib.

Puech subay və uşaqsız olsa da, ailəsinə bağlı bir çox insanla əlaqəni kəsib. 80 yaşlı milyarderin verdiyi bu miras qərarı ailəsində böyük təlatümlərə səbəb olub.

Günel Məlikzadə