İspaniyada Fələstin sammiti

İspaniya Fələstin Dövlətini rəsmi olaraq tanıdıqdan sonra Qəzza üçün zirvə toplantısına ev sahibliyi edib.

News24.az xəbər verir ki, İspaniyanın baş naziri Pedro Sançes, Fələstinin baş naziri Məhəmməd Mustafa, Qətər baş naziri Şeyx Məhəmməd bin Əbdülrəhman Al Tani, xarici işlər naziri Hakan Fidan, Səudiyyə Ərəbistanının xarici işlər naziri Şahzadə Feysəl bin Fərhan Qəzza Ərəb və Xarici İşlər Nazirləri Komitəsinin üzvləri ilə görüşüb. 

Bundan əlavə, danışıqlarda İspaniyanın xarici işlər naziri Xose Manuel Albares də iştirak edib.

Qeyd edək ki, Birləşmiş Millətlər Təşkilatının üçdə ikisindən çoxunu təşkil edən 140-dan çox ölkə Fələstin dövlətini tanıyır.

O, Madriddə İordaniya və İslam Əməkdaşlıq Təşkilatının rəsmiləri ilə görüşüb.

Danışıqlar İspaniya, İrlandiya və Norveçin Fələstin dövlətini rəsmən tanımasından sonra baş tutub.

Onu da bildirək ki, İspaniya və İrlandiya ilə birlikdə Fələstin dövlətini rəsmən tanıyan 27 üzvlü Avropa İttifaqının üzvlərinin sayı 9-a yüksəlib.

Madrid və Dublin Qəzzanın cənubundakı Rəfah şəhərinə hücumlarını davam etdirən İsrailə qarşı tədbir görməsi üçün Aİ-yə təzyiq edir.

Norveç Aİ-nin üzvü deyil, lakin onun xarici siyasəti ümumiyyətlə birliyə uyğundur.

Aİ üzvü Sloveniya da Fələstin dövlətini tanıyıb-tanımamaq barədə sabah qərar verəcək.

Qərar yekun təsdiq üçün parlamentə göndəriləcək.

Günel Məlikzadə