Allahverdi Yolçuyevin beyninə pil yerləşdirildi

Aktyor Allahverdi Yolçuyev ikinci dəfə əməliyyat olunub. O, beyin pili əməliyyatı keçirib.

News24.az Axşam.az-a istinadən xəbər verir ki, sənətçi bu gün evə buraxıldığını deyib.

O qeyd edib ki, hazırda özünü yaxşı hiss edir:

“Beynimə pil yerləşdirilib. Əməliyyatım yaxşı keçdi. İndi ailəmi gözləyirəm, gəlsinlər evə gedim. Bir həftədən sonra çölə çıxıram, təbiəti görürəm. Əlimin əsməsi hələ keçməyib. Bu, bir dəfəyə olmur, zamanla baş verəcək. Dərmanlar içməliyəm, müalicə gedəcək. İnanıram ki, xəstəliyə qalib gələcəyəm”.

Qeyd edək ki, A.Yolçuyev Parkinson xəstəliyindən əziyyət çəkir.

Onu da bildirək ki, beyin pili parkinson və tremor kimi xəstəliklərdə istifadə olunan beyin kardiostimulyatorunun tətbiqidir.